今日趣事:
》發咗個夢, 我夢見一個長金髮, 有金色鬍鬚同藍眼嘅--山下隻狗!!! XDDDDDDD
起身諗返好好笑~~~ 點解無啦啦會夢到隻狗~~~~~
個畫面好似漫畫, 我呢期無睇漫畫無睇隻狗喎, 搞笑~~~~~
》返工等車, 見未有車嚟入咗去caxx frxx,
成日聽人講話好貴, 但老爺又話唔貴, 諗住未食過就試吓
入到去, 驚有車就想快快手揀個走啦, 但望均都係齋包or丹麥條嘅嘢
有條仲要成9雞...... 咁就求其夾個"腸仔包"諗住無死
點知..... "小姐多謝十蚊呀"
頂.......................................
我唔要脆皮腸, 俾返條1蚊普通腸我得啦............
》係公司去Toilet 時見到褲頭粒鈕鬆鬆地, 手多話拉緊啲條線索緊佢
點知越搞越衰.... 一拉成粒甩咗.... 接唔住... 見住佢滾過隔離廁格(有人)....
呆咗......................
然後出面阿姨話:"有人甩咗鈕呀??" 我:"係.....呀...."
仲爆到問要唔要幫我執.... 我即刻搞掂出去執返....
好彩佢滾出去...幾驚係隔離格........(汗)
結果成日勁驚甩褲, 最後有個魚尾夾超級迷你版夾住佢, 好彩頂到返屋企
瘀皮!!!
》下晝做嘢做到傻咗, 成個人都陷入晃神狀態, 突然阿N走過嚟叫我一聲, 嚇親我
仲同我講咗句:"你去咗廁所未?" 我:"......? 未。"
然後我就爆笑咗~~~~~ XDDDDDDDDDDDDDDD
邊有人突然走過嚟問人去咗廁所未㗎~~~
超似啲惡作劇電話叫人去夜X咁~~~~
今日好攰, 瞓得唔好, 而且又唔想睬阿N....
所以成日扮睇佢聽佢唔到.... 扮做嘢
唔想睬佢係因為佢想搞飯局, 搞咗成個星期都無下文
仲要拋個波叫我約樓下.......... ="= 最憎
我好憎無啦啦做咗聯絡人, 仲要佢想點都唔知想我諗埋咁
問好哂都得又話"吓? 乜XX又去呀?"
你唔係叫我去問"佢哋"咩......... 唔係包括所有人咩.........
你有要求講呀大佬, 講咗啦, 唔理.........
好無聊我知, 但我就係想無聊地嬲佢半日
不過嬲完佢都唔知~ 算啦, 無咁得閒
總算KO要去邊做啲咩
返工真係好悶...........
以上。
