カテゴリ：＊*JepjEpjeP
- 27/11@Office---AURORA@CROWN[ 2008-11-27 12:41 ]
然後咁就二十七日... 好快。
唔講前嘅, 講返尋日先~
又係jepjepjep事, 都係開返個category of jep!
是晚目標係我想去好耐嘅---AURORA@CROWN
六點幾趕到抽筋咁滯就車埋親愛的去目的地,
代客泊車, 唔洗自己搵位
大家見到有門就入, 仲無啦啦要過機, 入到去先發現...
咦... 賭場!?? 仲要個LIFT 只到5樓... 距離目的地仲有5層...
問個實Q先發現, 入錯門口............
俾佢指咗去另一邊, 先隱約見到...有個叫lift lobby 嘅地方
真係, 唔講都唔會見到佢囉, 隱閉到....
上到十樓, 出去又係一個怪, 迷宮咁, 轉完彎又再轉
跟住見到2位美女, 差啲入錯日本菜 = =////
都唔叫好full, 無book位都仲有非吸煙區坐~
間嘢感覺都幾grand, 不過又係啲死氣沉沉燈....
見到個menu, 同網上嘅一樣,
果然係set 先抵, 單點都有點貴
我哋2個叫咗其實唔多嘢....
*前菜1---三文魚加魚子醬餅餅
呢個係送嘅, 個名我作嘅~~
老實講, 個分量少到我食咗都無感覺, 所以, 送嘅就係咁囉~
*前菜2---帶子沙律
基本上, 嗰幾粒帶子係得嘅!
其餘嗰堆菜呀, 蔥呀, 都食到我地咁 (="=)
*主菜1---燒大蝦伴豬肉腸
呢個真係好笑~
當大家見到呢碟嘢, 只見到2隻蝦,
親愛的問"咦...腸呢!?"
我答"係咪遲啲先上呀?"
不以為意繼續jep住先, 仲不時抱怨個條腸幾時出現....
然後食咗一陣我突然發現到嘅嘢
"紅色呢啲粒粒(似臘肉)係咪就係....腸!?"
哈哈~~~~~~~~~~~~
好彩無咁樣衰咁催人個"條腸", 唔係真係瘀爆炸
btw, 底下啲波菜都ok食得....
*主菜2---澳洲和牛冧扒伴烚雜菜 (Le Wagyu 'Rumsteck' - 7 Ounce)
其實唔識分呢個同平70蚊嗰個~
個扒, 都可以叫得
最好笑我見到個伴碟菜, 點解有堆"海草"
然後講笑話可能係向隔離日本餐廳借過嚟用~~~ 哈哈~~~
係一啖之後...........呢個樣 (="=) 又出現!!
都係個蕃茄仔比較正常....
親愛的好欣賞個"炸物"~~~~~ 係一堆佢話係薯仔嘅條狀物
即係似出面有時食到啲咩炸雀巢咁上下...
總之有個人好欣賞就係啦
個伴菜烚雜菜... 得堆荷蘭豆同條狀豆, 仲有幾粒黃色嘅嘢
嗰幾粒嘢... 似葛, 但口感好怪, 又似山藥...
總之, 都係呢個樣 (="=)...
但係, 個2粒西蘭花係得嘅~~~~
*甜品1---奧羅拉法式焗蛋
等咗好耐先有人收走我哋啲嘢....
所以等咗好耐先有甜品食
呢個焗蛋一上枱, 大家呆咗幾秒
因為佢實在太.....薄啦
上面層焦糖有啲厚, 第一啖啲蛋...好薑
係薑汁蛋........
我欣賞嘅係上面個SORBET!! 正!!!
不過我而家睇返個menu, 先發現係....carrot 味
明明食落係橙味.... = =////
*甜品2---6支嘢
呢個先係全晚高潮, 真係笑死人
食到咁上下想走人, 點知waitress 送上6支甜品嘢
好詭異, 食又唔係唔食又唔係,
一開始食嗰波狀朱古力, 我聽咗2次都聽唔到佢話呢個係咩...
點知一啖咬落去.......... 呢個樣 (="=) 嘅加強版
親愛的仲要食到打冷震........
說不出嘅感覺, 說不出嘅怪
仲有雪櫃味!!! 哈哈~~~~~
大家望住呢粒嘢好耐.......最後都鯁咗....
中間嗰款係....所謂嘅JELLY, 莓味
一望我就話我唔會食...我唔鍾意食JELLY糖
見到就打冷震........ >"<
唯親愛的唔知做咩咁勇走去食
一啖即刻放回原位!!! 哈哈~~~~~~~~~~
跟據回報, 粒糖係散嘅, 就咁。
仲話放係水應該會自已溶咗~~~
最後個樣係COOKIE 加啲朱古力醬
個樣正常嘅,
食落去................... 係...冧嘅..........
我覺得係蛋糕囉, 我未食過咁糕嘅COOKIE.........
當佢蛋糕食會好啲..............
呢6支嘢食到我哋真係皺哂眉.........
佢唔送好過送
最後, 我哋應該係食包食飽GA
個"桶"包, 食剩一個.... 每人食咗2個半....得人驚~~
如果再有下次, 叫半隻雞食吓~~~~~ (笑)
結論, 間嘢一般般
比起上次去Le Bistrot 嘅話, 我鍾意上次多啲
起碼我食得飽啲~~~~ 我果然係大食~~~
不過AURORA 應該係整得好食嘅, 但係佢啲配搭好詭異
食到我哋成日說不出感想.....
臨尾攞車先好笑
等咗一陣bell boy 話不如入lobby 坐住等
但入咗去一陣就有車啦....
一出去見到阿大發仔起雙飛~~~~~~
2個人同時將2隻車門開咗, 真係好似啲咩廣告咁
咩"五星級嘅服務"
大發仔突然好似升級變咗corolla 咁~~ (求其作嘅比喻)
咁好服侍, 真係~ 我無貼士俾個喎~~~~ 哈哈~~
之後出咗去shop咗陣,
就返歸搵針簿....= =////
missing... ogod
下期暫定下星期係去食呢個皇家金堡buffet。
以上。
